Euskaldunon Egunkariaren hemeroteka (1990 - 2003)

  

        Euskaldunon egunkariaren hemerotekaren webgunean.

    Euskaldunon Egunkariaren hemeroteka honetan, 1990eko abenduaren 6tik 2003ko otsailaren 20raino argitaratutako egunkariaren ale “guztiak” aurki ditzakegu, bertan zehazten den moduan. Izan ere, aipatu beharra dago eta hemerotekan ohartarazten da, urte horietako ale batzuetan hutsuneak ageri direla, baina lanean daudela hori lehenbailehen konpontzeko. Bestalde, hemeroteka honetan argitaratutako artxibo guztiak euskaraz idatzita daude.

    Euskaldunon Egunkariaren hemeroteka kontsultatu nahi duenak ez du zailtasun handirik izango Internet erabiltzen dakiela. Berria.eus webgunean dago eskuragarri, Berria egunkaria Euskaldunon Egunkaria zenaren oinordekoa baita. Hemerotekara heltzeko erarik moduzkoena bilaketa nabigatzaile baten bidez berria.eus webgunean sartu eta bertako menu zabalgarri nagusian (interfazearen goialdeko ezkerraldean dauden hiru marra horizontal paraleloak) eskuragarri dagoen “Egunkariaren Hemeroteka” sailean sartzeko estekari zapaltzea da, honek zuzenean eramango du erabiltzailea hemerotekaren menu nagusira. Bada beste modu intuitiboago bat ere hemerotekan sartzeko, Google bilaketa nabigatzailean “Euskaldunon Egunkaria hemeroteka” bilatuz eta lehen linkean sartuz alegia, Egunkariaren hemeroteka zabalduko duena.

                                Berria egunkariaren webgunetik Euskaldunon Egunkariaren hemerotekara nola iritsi.

    Hemeroteka honetan, artxiboak egunez egun antolatuta daude. Hau da, egun bakoitzeko egunkariak daude, egun horretako datarekin izendatuta daudelarik. Hala ere, egun batzuetako aleak falta dira. Artxibo bakoitzaren barruan, egunkariko orriak daude. Batzuetan orri batzuk ez dira berreskuratu eta orri batetik bestera hutsuneak daude. Artxibora sartzerakoan, orriak lerrokatuta ikus ditzakegu, hamaseinaka antolatuta daudelarik. Horrez gain, ale bakoitza deskargatzeko aukera dago, egunkaria orriz orri, jarraian, irakurtzeko aukera ematen duelarik. 

                                Euskaldunon Egunkariaren hemerotekak artxiboak antolatzeko modua.

    Bukatzeko,informazioa bilatzeko hiru aukera eskaintzen ditu. Lehenik eta behin, ohiko barra biltzailea aurki dezakegu, “Bilatu Egunkariaren hemerotekan” jartzen duena. Bertan edozein hitz edo esaldi jar dezakegu eta horiek agertzen diren egunkariaren data eta artikulu zehatza agertzen den orria ere bilatzen du, gainera azpian makoen artean hitza beltzez eta lodiz agertzen den esaldia azalduz. Ondoren, “Noiztik noiz arte”, artxiboak data batetik beste data batera aurkitzeko aukera ematen du menu zabalgarri baten bidez, urtea, hilabeta eta eguna zehaztekoa hain zuzen. Kasu honek bi daten arteko edizio guztiaz agertarazten ditu, ez orrika, edizioka baizik. Azkenik, data zehatz bateko bilatzea ere badago, “Bilatu egun bateko edizioa” zehazten duena. Honek ere, menu zabalgarri bat du urtea, hilbetea eta eguna zehazteko. Honen kasuan, bilatutako eguneko Egunkaria orriz orriz aurkezten du.

                                 Euskaldunon Egunkariaren hemerotekako bilatzailea.